Синтетик иярчен җөмләләрнең бәйләүче чараларын искә төшерү, белемнәрен тикшерү. Яңа теманы үзләштерү: тыныш билгеләрен кую кагыйдәләренә төшенү Иҗади уйлау сәләтен үстерү

Кабатлау: 1)Үзара иярту юлы белән бәйләнгән җөмләләрне иярченле кушма җөмлә дип атыйлар. 2) Иярчен җөмләләрне төзелешләренә карап ике төркемгә бүләләр: синтетик, аналитик. 3) Мәгънәләре ягыннан иярчен җөмләләрне ичрчен ия, иярчен хәбәр, иярчен тәмамлык, иярчен хәл, иярчен аергыч, аныклагыч җөмләләргә бүләләр.

Баш җөмләгә үзенең хәбәре составындагы чаралар ярдәмендә ияргән, шунлыктан аңа керешеп киткән җөмлә синтетик иярчен җөмлә дип атала. Кагыйдәләр: Синтетик җөмлә белән баш җөмлә арасына бары тик бер өтер билгесе генә куела. Әгәр үзе ияргән сүз белән янәшә торса синтетик иярчен җөмлә белән баш җөмлә бернинди билге белән дә аерылмый.

Биремнәр: Җөмләләрдә тыныш билгеләрен куеп, схемаларын төзергә.. 1) Ул килгәнче без кайтып киттек. 2) Әни килгәндә апа киткән иде. 3) Өч көн үткәч төнлә белән Якубның тәрәзәсен чиерттеләр. 4) Татарстанда уннарча шәһәр нефть промышленносте барлыкка килгәч үсеп чыкты. 5) Бүреләр аучының сарыгын аучы ауда йөргәндә ашап киткәннәр

Үзеңне тикшер: 1)Аналитик иярчен җөмлә, схема: (...-гәнче),[ ]. 2)Аналитик иярчен җөмлә, схема: (...-дә),[ ] 3)Синтетик иярчен җөмлә, схема: [...,(....),…] 4) Синтетик иярченҗөмлә, схема: [...,(...-гәч),…] 5) Синтетик иярчен җөмлә, схема: [...(...-дә)…]- янәшә тору чарасы

Укучылар әйдәгез хәзер тест үткәрәбез, теманы ни дәрәҗәдә аңлаганыгызны тикшерәбез моның стрелкага басыгыз.

Өй эше: 63 нче күнегү Җөмләләрне күчереп язарга, тыныш билгеләрнн куеп, схемаларын төзергә.